Uxabaul

Picture(1.jpg

2006-10-06T17:13:00.000Z

Siggi og Mikki syngja ljóð
sárum þrungnum harmi
enda rambar íslensk þjóð
á örvæntingar barmi.

Myndina sendi Uxi
Sent með Hexia.net

Málsverður

2006-05-24T08:39:00.000Z

Brauðið þáði þrösturinn
og það vel kunni að meta.
Barnaskólabekkurinn
bauð honum að eta.

Myndina sendi Uxi
Sent með Hexia.net

Long Island Railroad

2006-05-09T00:42:00.000Z

Eimreið þýtur, þreyttur snýtir lúa.
Heima í grýtu kraumar kjöt
og kona brýtur saman föt.

Myndina sendi Uxi
Sent með Hexia.net

Gyðingurinn gangandi

2006-05-03T02:33:00.000Z

Gyðinginn sá ég gangandi
með guði á Broadway sprangandi
og hárlokkana hangandi
í heitan beagle langandi.

Myndina sendi Uxi
Sent með Hexia.net

China Town

2006-05-03T02:17:00.000Z

Kom ég við í Kínabæ
og kíkti á vörur falar
þar sem mangið iðka æ
ótal götusalar.

Myndina sendi Uxi
Sent með Hexia.net

Long Island Expressway

2006-05-02T16:33:00.000Z

Hér er ekið skott við skott,
skollans tafir, ekki gott.
We'll drive safely, worry not,
on The World's Longest Parking Lot.

Myndina sendi Uxi
Sent með Hexia.net

Ground Zero

2006-04-26T19:58:00.000Z

Þar sem hrundu turnar tveir
og týndu fjöri skatnar
verður sérhver maður meir
og músum dapur vatnar.

Myndina sendi Uxi
Sent með Hexia.net

Empire State Building

2006-04-26T03:09:00.000Z

Á Manhattan er margt að sjá,
mergð fólks þar ég augum leit,
og numinn varð mér næstum frá
í níunda himni á Empire State.

Myndina sendi Uxi
Sent með Hexia.net

Penn Station

2006-04-25T16:29:00.000Z

Frómir standa um frelsi vörð
og farþega á Station Penn
og halda reglu hér á jörð
hermannlegir vígamenn.

Myndina sendi Uxi
Sent með Hexia.net

Emil

2006-03-04T23:30:00.000Z

Emil sló ei slöku við,
slæd á pikköppbrandi
svo eigi hafði í fótum frið
fólk á Austurlandi.

Myndina sendi Uxi
Sent með Hexia.net

Evróvisjónraunir

2006-02-13T11:06:00.000Z

Skerjafjarðarskáldið er
skælandi á torgum.
Yfir um hann alveg fer
á Evróvisjónsorgum.

Rockin' pneumonia

2006-01-19T13:08:00.000Z

Úr æðum streymir enn á ný,
Uxi dreyra veitir fús
því náunginn hrópar nauðum í:
I need a shot of rythm' n blues!

Myndina sendi Uxi
Sent með Hexia.net

Mæja

2006-01-19T08:18:00.000Z

Eyrnasnúlli eldar kjöt
og alltaf gólfin bónar.
Mæja kisa fer í föt
og fjölskyldunni þjónar.

Myndina sendi Uxi
Sent með Hexia.net

Sólarlag

2006-01-14T14:23:00.000Z

Degi hallar, húmar skjótt,
hnígur sól til viðar.
Önnur nálgast angurnótt.
Allt að sama miðar.

Myndina sendi Uxi
Sent með Hexia.net

Bónus

2006-01-07T16:56:00.000Z

Brá ég mér í Bónus inn
bruðlaði, eyddi og spennti.
Ýmislegur óþarfinn
oní körfu lenti.

Myndina sendi Uxi
Sent með Hexia.net

Þorláksmessa

2005-12-24T01:45:00.000Z

Fékk skötu,
fína mötu,
flot með
mýkir geð.
Brauð, smér
bauðst mér,
rófur, öl.
Út fló böl.

Þrír fálkar fundust í frystikistu á Húsavík

2005-12-22T09:39:00.000Z

Fálkar tveir fundust
í frystikistu
hélaðir báðir
á Húsavík.
Gestir að gættu,
gagnhugulir,
í búri og bónda
böndum slógu.

Fiðlungur

2005-12-20T09:30:00.000Z

Hér fram tóna töfrar hann,
tekur lagið glaður.
Snúna frasa sníða kann
snjall tónlistarmaður.

Myndina sendi Uxi
Sent með Hexia.net

Engin mæða

2005-11-26T22:07:00.000Z

Siggi af fíling blúsinn blæs,
bláir tónar hljóma.
Stundum röff en stundum næs
stefin mæðu óma.

Myndina sendi Uxi
Sent með Hexia.net

Alltaf númer 30 á biðlista hjá þjónustuverinu

2005-11-23T16:09:00.000Z

Þingmaðurinn þoldi bið
þrítugasti í röðinni
en bráður svo að bænda sið
bölvaði símstöðinni.

Gæs

2005-11-15T23:48:00.000Z

Hérna vandann vel má sjá,
vá sú landi eyðir.
Þegar fjandinn fer á stjá
flensan grand útbreiðir.

Myndina sendi Uxi
Sent með Hexia.net

Rekstur

2005-09-12T13:41:00.000Z

Safnaðist þar saman brátt
sægur dilka af fjalli
og rekstur þessi rétta átt
rann svo undan kalli.
Myndina sendi Uxi
Sent með Hexia.net

Skerdur í fangabúri

2005-09-08T19:01:00.000Z

Myndina sendi Uxi
Sent með Hexia.net

Guided Tour

2005-09-06T19:56:00.000Z

Birna Þórðar börn í smá
borgarfræðslu treður.
Þeim hollast er að hlýða á
hana klædda í leður.

Uxi

2005-08-19T23:52:00.000Z

Bleikju festi oft í agn,
á til hesti að brokka.
Ég í flestu geri gagn
og guma best kann rokka.

Fluga

2005-08-19T23:42:00.000Z

Stöngin dugar, styrk er hönd,
stefnu hugur metur.
Uxi flugu í laxa lönd
litskrúðuga setur.

Þórdís

2005-03-03T11:42:00.000Z

Þórdís yngri er kát og kvik,
kappsöm, ber af drósum,
andlitið eitt bros og blik
í bláum hvarmaljósum.

Fall

2005-02-16T09:57:00.000Z

Ég hef þann fjára fyrir satt
að féllu tár af hvarmi
er Eiður Smári í það datt
og olli sárum harmi.

Veðurlýsing

2005-02-16T09:52:00.000Z

Skafrenningur, skítakuldi, skaflar úti,
kaldir fingur, kal á fæti,
Kári syngur, hvílík læti.

Hrefna

2004-10-19T18:40:00.000Z

Skilið á hún Hrefna hrós ,
hárprúð baugaviðja.
Haddinn fagra fléttar rós-
fingruð morgungyðja.

Norðlæg átt, 13-20 m/s og dálítil él.

2004-10-18T13:32:00.000Z

Kuldaboli kveinar hátt,
knappt er skjól af flíkinni.
Níu vindstig, norðanátt
er nú í Reykjavíkinni.

Atlaga

2004-09-02T14:18:00.000Z

Hjó síns fjanda enni í,
eigi granda náði.
Dugði ei handafl darrartý.
DV skandal tjáði.

Fjarkinn

2004-09-02T13:57:00.000Z

Ó þú seina seima bil
sem að fjarka keyrir.
Eigi er bráð þín bensínil,
bremsan þér tilheyrir.

Frí

2004-07-09T13:44:00.000Z

Nú sólin yljar okkur hlý,
úti ríkir lygna.
En loksins er ég ætla í frí
aftur fer að rigna.

Comment

2004-05-25T13:20:00.000Z

Kommenti nú kem ég á,
kistu gulla.
Þar í alþjóð yrkja má
eða bulla.

Staka

2004-05-18T15:53:00.000Z

Langar stundir líða, fundir teygjast.
En aftur lundin léttist mín
er loks ég skunda heim til þín.

Tarfurinn

2004-04-26T16:00:00.000Z

Hvamms á tanga Tarfur fangar nótur.
Skegg á vanga skrýðir mann,
skallabanginn er ei hann.

Enn um Evu

2004-04-26T13:14:00.000Z

Afmorshvata Evu Satan rétti.
Hann til matar hefur skvís
og höldar glata Paradís.

Genesis

2004-04-23T15:49:00.000Z

Forðum vildi gjarnan guð
gefa Adam sonu.
En Paradiso skorti skuð.
Hann skapaði því konu.

Adam spentur óðar þá
eyru sín við lagði,
hneigði sig og hlustaði á
er herrann mildur sagði:

,,Reif ég úr þér rifbein eitt
og réðst í konu að smíða.
Þó að mér það þyki leitt,
þessu skaltu ríða.``

Adam mjúkan maka fann
mitt í Edensgarði
en Eva hitti andskotann
óðar en hann varði.

Órækja

2004-04-23T08:32:00.000Z

Í dimman helli drjúgur reið
Dala-Freyr með bræðrung sinn,
burt hans annað eistað sneið
en átti lítt við tittlinginn.

Hvarmadöggin draup á kinn
því Dala-Freyr nú harður var
og ákaft brýndi böðulinn,
bað hann minnast Arnbjargar.

Órækja var afar hress,
óðfluga til strandar hélt,
sté um borð og stundi bless.
Sturla fékk hann ekki gelt.

Heimslistavísa

2004-04-18T03:05:00.000Z

Tvennt í heimi bætir böl
bragna og léttir kífi:
Það er að kneyfa úr könnu öl
og kunna að skemmta vífi.